கியூபா.. இந்த குட்டி நாடு குறித்து எத்தனை புத்தகங்கள் என் பார்வைக்கு வருகின்றனவோ அது அத்தனையும் தயக்கமே இன்றி வாங்கி உடனே வாசித்தும் மகிழ்கிறேன். அப்படி என்னதான் புதிதாக இருந்துவிடப் போகிறது ஒவ்வொன்றிலும்? வழக்கம் போல ஏகாதிபத்தியத்தின் வெகு அருகில் சவாலாக எப்படி பொதுவுடைமை காத்து நிற்கிறது என்பதும், உலகிலேயே அனைத்து நிலைக் கல்வியும் அனைவருக்கும் சமமாக இலவசமாக தொடர்ந்து தருகிற ஒரே நாடு என்பதும், இத்தனை மக்களுக்கு இத்தனை மருத்துவர்கள் என்கிற விகிதாச்சாரத்தில் உலகிலேயே இந்நாடுதான் முதன்முதலாக நிற்பதும் என அனைத்தும் தெரிந்த உண்மைகள் தானே! பின் என்ன இருக்கிறது? கியூபாவின் சாதனைகள் ஒன்றும் புதிதல்ல. ஆனால் அவை தொடர்கின்றன என்பதே ஆச்சரியம். சலியாது தொடர்ந்தும் அதே சமயம் மேலும் மேலும் வாழ்வை சிக்கலாக்குகிற அமெரிக்கா தரும் நெருக்கடிகள், மேற்காசிய போரினால் மற்றும் உலக நிகழ்வுகளால் எழும் நிர்வாக சிக்கல்கள் என இவை அனைத்தையும் சமாளித்து மீண்டும் மீண்டும் எழுந்து நிற்கும் அதிசயமே கியூபா. அவ்வளவுதான் பிடல் போய்விட்டார் இனி என்ன செய்யும் கியூபா என்ற போதும், அப்படியொன்றும் சகோதர நாடாக ஏதும் இல்லாதபோது...
கொடி காட்ட வந்தவன் – இந்நூலினை வாங்க முன்பதிவு செய்யுங்கள் என விஷ்ணுபுரம் சரவணன் மற்றும் ஆதி வள்ளியப்பன் என முகநூலில் இட்ட மாத்திரமே முடிவு செய்து புத்தகத்தை முன் பதிவு செய்து பெற்றேன். நேற்றுதான் இப்புத்தகம் கையில் வந்து சேர்ந்தது. இடையில் இவர்களின் முகநூல் பக்கத்தில் இப்புத்தகத்தின் அறிமுகவிழா நடந்ததையும் அதில் பேசியவர்கள் பேச்சு காணொளியாக கிடைப்பதையும் போட்டிருந்தார்கள். அதில் எழுத்தாளர் பாலபாரதியும் இடம் பெற்றிருந்தது வேறு இன்னும் சுவாரசியத்தை கூட்டியது. அப்புறம் என்ன, வந்து சேர்ந்த உடனே வாசிக்க துவங்கினேன். சின்ன புத்தகம் தான். வாசிக்கவும் எளிது. நடையும் சரளமாக இருந்தது. இப்புத்தகத்திற்கும் எனக்கும் ஒரே வயது. புத்தகம் கூட மறுபதிப்பு கண்டுவிட்டது. புத்தக வாசிப்பு அனுபவத்திற்கு போவதற்கு முன் இப்புத்தகத்தை தேடி கண்டடைந்த அனைவருக்கும் நெஞ்சார்ந்த நன்றிகள். சிறார் நூலாசிரியர் ரேவதி அவர்களுக்கு எப்படிப்பட்ட ஒரு அனுபவமாக இது இருந்திருக்கும்? நினைக்கையிலே சிலிர்க்கிறது. ஒரு அரசியல் வரலாற்று நிகழ்வுப்போக்கினை குழந்தைகளுக்கு எப்படி கடத்துவது? காந்தி என்ற தனிமனிதர் அல்லர், காந்தியி...